مفاجأة صينية تهز الأسواق: شاومي تكشف عن هاتف ذكي ببطارية تدوم يومين وأداء قوي ينافس الكبار
وسط أجواء من الحماس والترقب اللي كان مسيطر على سوق الموبايلات في مصر والوطن العربي، دخلت شاومي المنافسة من باب جديد مع إطلاق هاتفها Xiaomi Redmi Note 14 4G اللي لفت الانتباه ببطاريته العملاقة ومواصفاته اللي بتغير قواعد اللعبة في الفئة المتوسطة الناس بقت تدور على هاتف يعيش معاهم يومين من غير الشحن ودي بالظبط النقطة اللي راهنت عليها شاومي في موبايلها الجديد.
كان نفسي ألاقي كدة من زمان!
أكتر حاجة كانت بتضايق المستخدمين إن البطارية بتخلص بسرعة… لكن مع البطارية الـ 5500 مللي أمبير اللي جاء بيها Xiaomi Redmi Note 14 4G دلوقتي المشاكل دي انتهت وتقدر بسهولة تعتمد عليه يومين من غير قلق، ولو اضطريت تشحنه هتلاقي شاحن سريع بقوة 33 واط، يعني رجوعك للموبايل في وقت قصير.
تصميم جامد… سهل في الإيد
الجهاز جاء بتصميم فخم، خفيف في الإيد، وهيكله بقي مقاسه حوالي 163.2 × 76.6 × 8.2 مم ووزنه 200 جرام بس يعني ببساطة لو انت في الشارع أو قاعد في البيت هتحس براحة فعلا وإنت ماسكه.
مواصفات جبارة
وللتجربة البصرية دلعوك بشاشة AMOLED بقياس 6.67 بوصة ودقة FHD+ مع معدل تحديث 120 هرتز وسطوع عالي جداً يوصل لـ 1800 شمعة والشاشة هتخليك مستمتع من أول لحظة، سواء في الألعاب أو وأنت بتتفرج على فيديوهات في الشمس.
الهاتف كمان بيشتغل بمعالج MediaTek Helio G99 Ultra مع تكنولوجيا متطورة (6 نانومتر) موجه للأداء العالي، بيجي مع وحدة معالجة رسوميات Mali-G57 MC2، وده بيقدم سرعة وكفاءة أثناء التنقل بين التطبيقات.
ذاكرة ومساحات تناسب كل الاحتياجات
فيه اختيارات واسعة من الذاكرة، من أول 6 جيجابايت لحد 8 جيجابايت، مع مساحة تخزين تبدأ من 128 لحد 256 جيجابايت. يمكنك تحفظ كل ملفاتك، صورك وألعابك براحتك.
الكاميرا هنا قصة تانية
جهاز شاومي الجديد هينقل تصويرك لمستوى أعلى مع كاميرا خلفية ثلاثية، الأساسية بدقة 108 ميجابكسل ومعاها كاميرا ماكرو 2 ميجابكسل ومستشعر عمق 2 ميجابكسل والكاميرا الأمامية بدقة 13 ميجابكسل علشان سيلفيهاتك تطلع أجمد وأوضح.
تكنولوجيا الذكاء الاصطناعي المدعومة في الكاميرا هتخلي الصور تفاجئك بالجودة، سواء في إضاءة ضعيفة أو في النهار.
تفاصيل أكتر ونقاط قوة إضافية
الهاتف عليه نظام Android 14 بواجهة HyperOS المعدلة اللي بتقدم سهولة في الاستخدام وحماية أفضل للبيانات مع مزايا تخصيص متنوعة ومستشعر البصمة المدمج في الشاشة بيخلي فتح الموبايل سهل وسريع، وكمان فيه مقاومة لرذاذ المياه والغبار بمعدل IP54، بجانب صوت عالي الجودة Hi-Res Audio لو انت من محبي الموسيقى.
أسعار هاتف Redmi Note 14 4G
| الإصدار | السعر المتوقع (بالجنيه المصري) |
|---|---|
| 6 جيجابايت + 128 جيجابايت | 8600-9100 |
| 8 جيجابايت + 256 جيجابايت | 9900-10600 |
وديما، شاومي بتثبت يوم بعد يوم إنها قادرة تقلب الطاولة وتقدم أجهزة بتعمر وتدي قيمة أعلى مقابل السعر ولو بتدور على موبايل يعيش معاك، يبقى الموديل الجديد ده يستاهل يكون أول اختياراتك.
