مفاجأة جديدة اسعار الذهب اليوم في السعودية: ارتفاع سعر جرام عيار 24 إلى 399 ريال الثلاثاء 6 مايو 2025
سوق الذهب في السعودية بيشهد حركة سعرية جديدة النهاردة، وده في وقت بقى فيه متابعة أسعار الذهب مش بس شغلة الناس العادية، لكن كل المستثمرين كمان صاروا مترقبين كل تغير في السوق سواء عالميا أو محليا وموضوع الذهب اصبح محسس الكل بالتوتر مع التغيرات الاقتصادية اللي بتحصل حولنا، وبالذات بعد التحركات اللي بتحصل في اسواق العالم، والكل بيفكر في تأثيرها المباشر على سعر المعدن الاصفر اللي بقى في نظر الناس ملاذ آمن وقت الأزمات الاقتصادية أو تراجع العملة.
اسعار الذهب
جينا لكم بأحدث الأسعار اللي وصلت لها الأعيرة في السعودية النهاردة، في ظل متابعتنا المستمرة لتحركات السوق:
| العيار | السعر بالريال |
|---|---|
| عيار 24 | 399.00 |
| عيار 22 | 365.75 |
| عيار 21 | 349.25 |
| عيار 18 | 299.25 |
| عيار 14 | 232.75 |
| عيار 12 | 199.50 |
| الأونصة | 12413.75 |
| الجنيه الذهب | 2793.75 |
| الأونصة بالدولار | 3313.39 دولار |
تحركات عالمية جديدة وتأثيرها على السوق
الأنظار اتجهت بقوة إلى اللي أعلنه بنك الشعب الصيني وثلاث جهات حكومية تانية في الصين عن ضخ استثمارات لتدويل بورصة شنغهاي للذهب.
التحركات دي مش بسيطة، لأنها بتفتح الباب ان بورصة شنغهاي تدخل في منافسة مع البورصات العالمية زي بورصة لندن للمعادن LME، وده أكيد هيربك خريطة تسعير المعدن الأصفر على مستوى العالم، خصوصا مع الحديث عن إنشاء مستودعات للتسليم خارج الصين.
خطة صينية لتعزيز قوة سوق الذهب
في تقرير أخير من الشركة الصينية Jinshi Data، اتكلموا عن خطة العمل اللي اطلقها البنك مع الجهات الحكومية لتعزيز مركز شنغهاي المالي الدولي، والخطة دي مش بس بتستهدف تطوير الخدمات المالية في الصين، لكن كمان بتهدف لجذب المستثمرين الدوليين بشكل أوسع، وده معناه ان السوق الصينية للذهب هتبدأ تلعب دور أكبر في التحكم بالأسعار عالميا، وده هينعكس على حركة الأسعار في دول زي السعودية وباقي منطقة الخليج.
الأحداث اللي بتحصل في السوق العالمية اليوم بتدينا مؤشر واضح أن أسعار الذهب الفترة الجاية مش هتكون هادية، والمستثمرين الكبار وأصحاب المدخرات لو عندهم ذهب لازم يفضلوا منتبهين لأي جديد، لأن الذهب لسة هيحتفظ بقيمته كأكتر أمان في الأوقات الاقتصادية الصعبة.
