أشرف نصار يقفل باب رحيل طارق مصطفى ويأكد هدف البنك الأهلي في الكونفدرالية
في تصرحات حصريه لرئيس نادي البنك الأهلي أشرف نصار حسم الجدل الكبير الي كان داير ف الفتره الاخيره حوالين رحيل المدير الفني طارق مصطفي لتدريب الزمالك وأكد إن مفيش أي تواصل رسمي أو ودي حصل بخصوص الموضوع ده، والمدرب مكمل مع الفريق.
نصار قال إن المباراه الاخيره ضد الزمالك كانت ممتعه وجات النقطه دي بالنسبالهم مهمه خصوصآ إنها قدام فريق كبير زي الزمالك وقال كمان إنهم كانو طمعانين في الفوز بس التعادل نتيجه كويسه.
وأكد إنهم قفلو صفحه الزمالك وبيستعدو دلوقتي لمواجهه بيراميدز وكل تركيزهم على الزحف ناحيه المربع الذهبي علشان يشاركو ف البطوله الكونفدراليه الموسم الجاي وأشار إن عندهم كمان بطوله كاس العاصمه الي بتأهل لكأس السوبر المصري.
رئيس النادي وضح إن فيه انسجام كبير بين النادي والمدرب طارق مصطفى وفيه مشروع ماشيين عليه سوا للموسمين الجايين.
وختم كلامه بتأكيده إن أسامه فيصل مكمل مع الفريق ومفيش أي عروض مقدمه ليه.
يُذكر إن البنك الأهلي تعادل مع الزمالك ٢-٢ في ستاد القاهره ضمن الجوله الرابعه من مجموعه التتوي
