برشلونه بيستعد لموقعة إنتر الليله وسلسلة الهزايم بره ملعبه مقلقه
برشلونه داخل ماتش الليله ضد إنتر ميلان على ملعب سان سيرو وعنيه على التأهل لنهائي دوري أبطال أوروبا بس قلق كبير بيحاوط الفريق بسبب السجل السلبي في مباريات نصف النهائي اللي بتتلعب بره ملعبه.
الإحصائيات بتقول إن برشلونه خسر آخر 4 ماتشات لعبهم خارج أرضه ف نص النهائي، والموضوع بقى يطرح تساؤلات كتير حوالين قدرة الفريق على المواجهه ف المحطات الحاسمه دي.
كلنا فاكرين الكارثه اللي حصلت قدام ليفربول في أنفيلد سنة 2019 خسر الفريق 4-0 بعد ما كان كسبان 3-0 ف الذهاب، في ريمونتادا تاريخيه وقبلها خسر 3-2 من بايرن سنة 2015، برغم إنه تأهل بمجموع المباراتين.
وفي 2013، خسر من بايرن 4-0 ف الذهاب وبعدها خسر تاني ف كامب نو، وفي 2012 خسر من تشيلسي 1-0 ف لندن، وتعادل 2-2 ف الإياب، وخرج من البطوله.
النهارده برشلونه قدامه فرصه حقيقيه يكسر النحس ده، خصوصآ بعد التعادل 3-3 ف الذهاب، بس لازم يثبت نفسه ويحقق نتيجه تفرحه جماهيره.
