تعرف الآن على الطريقة الأسهل للاستعلام عن المخالفات المرورية وسدادها إلكترونياً عبر أبشر
وسط الزحمة اليومية والمهام الكتير اللي بتشغل الناس في السعودية، الكل بيدور دايمًا على أسرع وسيلة ينهي بيها الإجراءات الحكومية من غير وجع دماغ أو تعقيد وده فعلاً اللي بتوفره منصة أبشر الإلكترونية اللي ما بقتش مجرد موقع حكومي، بقت أسلوب حياة جديد لملايين الناس في المملكة، سواء كان مواطن أو مقيم وأي واحد دلوقتي يقدر وهو قاعد في بيته أو حتى من مكتبه ينجز معاملات مثل الاستعلام عن المخالفات ودفعها، يجدد رخصته، ينقل سيارة، أو حتى يجدد إقامة عامله المنزلي.
طريقة الاستعلام عن المخالفات المرورية من أبشر
أهم ميزة في أبشر إن الإجراءات فيها بسيطة وسلسة، ولو مشيت مع الخطوات دي هتعرف كل تفاصيل مخالفات المرور اللي عليك وتسدّدها في لحظتها:
- أول حاجة، روح لموقع أبشر الرسمي واختار “أبشر أفراد”.
- سجّل دخولك باسم المستخدم أو برقم الهوية وكلمة السر.
- بعدها هيوصلك رمز تحقق على موبايلك، حطه في المكان المخصص.
- من الصفحة الرئيسية اختار “خدماتي” وبعدين دوس على “المرور”.
- هتلاقي اختيار “الاستعلام عن المخالفات المرورية”، ادخل عليه.
- هيظهرلك جدول فيه كل المخالفات اللي متسجلة عليك أو على عربيتك بالتفصيل: التاريخ، المكان، نوع المخالفة، وكمان المبلغ المستحق.
- لو عايز تدفع، افتح تطبيق البنك بتاعك من موبايلك وروح على قسم المدفوعات، اختار الجهات الحكومية ومنها المرور، دخل رقم الهوية وكمل باقي الخطوات.
جدول أسعار المخالفات المرورية
| نوع المخالفة | القيمة (بالريال السعودي) |
|---|---|
| تجاوز السرعة | من 150 إلى 2000 |
| قطع إشارة | من 500 إلى 900 |
| عدم ربط الحزام | 150 |
| استخدام الجوال أثناء القيادة | 500 |
| التوقف في أماكن ذوي الاحتياجات | من 500 إلى 900 |
أهم خدمات منصة أبشر اللي تهم المواطنين
أبشر ما توقفش عند خدمات المرور بس، دي بقت أكبر منصة حكومية إلكترونية في السعودية وبتقدم أكتر من 350 خدمة، ومن أهمها:
- خدمات المرور، زى تجديد رخصة القيادة، نقل ملكية المركبة، تقديم اعتراض على المخالفات.
- خدمات الجوازات، ليها علاقة بتجديد الإقامة أو إصدار الجواز أو تمديد تأشيرات الخروج والعودة.
- خدمات الأحوال المدنية، زي حجز المواعيد، إصدار بطاقة الهوية أو تعديل الحالة الاجتماعية.
- خدمات العمالة المنزلية، مثلا إصدار أو إلغاء تأشيرات أو نقل خدمات أو بلاغات الهروب.
- خدمات تخص الأمن العام زي الإبلاغ عن أوراق ضايعة أو أخذ تصاريح خاصة للحركة في أوقات الطوارئ.
خطوات تجديد رخصة القيادة عن طريق أبشر
تجديد رخصة القيادة زمان كان بياخد وقت طويل ولف كتير، لكن دلوقتي مع أبشر الموضوع بقى في دقايق لو معاك الشروط كاملة:
- ادخل على المنصة وسجّل دخولك “أبشر أفراد”.
- اكتب اسمك أو رقمك وكلمة السر، واستلم رمز التأكيد على موبايلك.
- من الصفحة الرئيسية، روح لخدمات المرور واختار “تجديد رخصة القيادة”.
- اختار نوع الرخصة (سنة، سنتين، خمس، أو عشر سنين).
- تأكد إنك مسدد كل مخالفاتك ومأمن الفحص الطبي في مركز معتمد، وكمان تكون هويتك أو إقامتك سارية الصلاحية.
- راجع بياناتك وبعدها اضغط “تأكيد”. هيوصلك إشعار بإن الرخصة اتجدّدت.
- استلم الرخصة الجديدة من البريد السعودي أو من أقرب فرع للمرور، أو حتى على ماكينة الخدمة الذاتية.
التحول الرقمي في السعودية بقي جزء أساسي من رؤية المملكة للمستقبل، ودة ظهر بوضوح من خلال منصات مثل أبشر اللي قربت المسافة ما بين المواطن والجهات الحكومية، وسهّلت على الناس حياتهم بشكل ملحوظ ودلوقتي لو عندك أي استفسار أو عايز تتابع معاملاتك، كله بقي بلمسة زر.
لو عايز تفضل متابع كل جديد عن التطورات والخدمات الحكومية، استمر بمتابعتنا علشان توصلك التفاصيل أول بأول وتستفيد على طول.
