أرنولد يودع ليفربول وعشاق فانتازي الإنجليزي هيخسروه بجد
اعلن الظهير الإنجليزي ترينت ألكسندر أرنولد إنه هيمشي من صفوف ليفربول بنهاية الموسم الحالي، بعد مشوار طويل ومليان إنجازات مع الريدز.
وعشاق فانتازي الدوري الإنجليزي زعلانين لإن أرنولد كان واحد من أكتر اللاعيبه اللي بتجيب نقط وبتفرق ف الترتيب، خصوصًا بآخر كذا موسم.
أرنولد سعره كان 7 2 مليون ف الفانتازي، وحقق رقم مميز للمدافعين، لعب 257 ماتش مع ليفربول جاب فيهم 1278 نقطه، سجل 18 جول، وعمل 73 أسيست، وكمان حافظ على نظافة شباكه في 96 لقاء، وجاب 170 نقطه زياده بفضل الأداء ده.
اللاعب كمان مسجل رقم قياسي بكونه المدافع الوحيد اللي عدى 200 نقطه ف موسمين مختلفين مره في 2019/2020، ومرة تانيه في 2021/22.
كمان انضم لـ فريق الأحلام بتاع الفانتازي 5 مرات، من موسم 2018/19 لحد 2022/23، وده رقم مميز محدش وصله من زملاؤه المدافعين.
خسارة كبيره للناس اللي بتحب تعتمد عليه ف تشكيلتها، ومش هيبقى سهل تلاقي بديل بنفس التأثير.
