ديكلان رايس نجم أرسنال لشهر أبريل حسب تصويت الجمهور
اختار جمهور أرسنال النجم ديكلان رايس كـ أفضل لاعب في الفريق لشهر أبريل وده حسب استفتاء نزل على موقع النادي الرسمي النهارده التلات.
رايس حصل على نسبه كبيره من التصويت وصلت لـ 68%، وتفوق على ياكوب كيويور، ولياندرو تروسارد، وجابرييل مارتينيلي، بعد شهر نار قدم فيه مستوى عالي مع الجانرز.
اللاعب الإنجليزي شارك أساسي ف كل الـ8 ماتشات اللي لعبهم أرسنال الشهر اللي فات، وساهم ف تسجيل 4 أهداف من ضمنهم هدفين من ضربات حره مباشره قدام ريال مدريد، لما أرسنال كسب 3-0 ف ملعب الإمارات ودي كانت أول مره يسجل من كرات ثابته ف مسيرته اللي فيها 339 ماتش!
وكمان رايس عمل أسيستين مهمين، واحد لتوماس بارتي قدام برينتفورد، والتاني لتروسارد قدام إيبسويتش وبكده بقى ليه 17 مساهمه تهديفيه الموسم ده، وزودهم بهدف تاني قدام بورنموث الأسبوع ده.
دي تاني مره رايس ياخد الجايزه دي من ساعه ما انضم من ويستهام في أغسطس 2023، لكن الأولي بعد انتقاله.
أداءه بيأكد إنه من الركائز المهمه في تشكيل أرتيتا وبيكسب ثقة الجمهور كل يوم.
