مانشستر يونايتد عايز يتعاقد مع حارس تورينو بدل أونانا
كشفت تقارير صحفيه بريطانيه إن مانشستر يونايتد بيدور على حارس مرمى جديد وبيفكر ف الاستغناء عن الكاميروني أندريه أونانا بعد المستويات اللي مش مقنعه اللي قدمها.
التقارير قالت إن النادي الإنجليزي مهتم بالحارس الصربي فانيا ميلينكوفيتش سافيتش، حارس تورينو الإيطالي، وبيخطط للتعاقد معاه الصيف الجاي.
الصحفي الإيطالي الشهير فابريزيو رومانو، اللي دايمًا مصادره قويه في الانتقالات، قال إن يونايتد أضاف فانيا لقائمة الحراس اللي ممكن يخلفو أونانا، وإن في محادثات ابتدائيه بدأت فعلا بين النادي ووكيل اللاعب.
لسه الأمور ماوصلتش للمرحله الرسميه، بس بيتم دلوقتي تقييم موقف الحارس وسعره، خاصة إن فانيا يعتبر من الحراس المميزين ف الدوري الإيطالي.
صاحب الـ28 سنه شارك مع تورينو في 36 ماتش ف كل البطولات الموسم ده، استقبل فيهم 39 هدف، بس قدر يحافظ على شباكه نظيفه ف 11 ماتش، وده رقم مش بطال.
واضح إن إدارة اليونايتد مش ناويه تفضل ساكته على تذبذب مستوى أونانا، وممكن نشوف تغييرات كبيره في مركز الحراسه الفترة الجايه.
