تاكي كوبو يمكن يسيب ريال سوسيداد بعد نهاية الموسم والسبب مفاجئ للجمهور
تاريخ النشر:
منذ 10 ساعة
في تطورات جديده حوالين مستقبل النجم الياباني تاكي كوبو، الأخبار بتقول إن لعيب ريال سوسيداد ممكن يسيب الفريق قريب، رغم إن عقده لسه مكمل لحد صيف 2026 الكلام ده جاي من جريده سبورت الإسبانيه اللي أكدت إن كوبو ماعندوش مانع يمشي من النادي، خصوصًا بعد ما اتأكد إن المدرب إيمانويل ألجواسيل هيمشي من تدريب الفريق مع نهاية الموسم ده.
كوبو اللي لفت الأنظار بأداءه المميز الفتره اللي فاتت، عنده شرط جزائي في عقده بـ60 مليون يورو، وده رقم كبير بس مش هيمنع أنديه كبيره في أوروبا إنها تفكر تجيبه، خصوصًا وإن في فرق بتتابعه من وقت.
واضح إن رحيل المدرب أثر على قرار كوبو، ويمكن ده اللي خلاه يعيد التفكير في مستقبله ولسه الأمور مش واضحه، لكن متوقع الأيام الجايه تبين أكتر إذا كان هيفضل في سوسيداد ولا لأ، خصوصًا مع التحضيرات لسوق الانتقالات وتحديد المدير الفني الجديد.
أحدث الأخبار
saudionportal.com
