الدوري المصري بيولع قبل نهايته بـ3 جولات وصراع اللقب مولع
الجوله الخامسه من مرحله التتويج في الدوري المصري الممتاز 2024-2025 بتبدأ، والمنافسه على اللقب بقت مشتعله بين التلاته الكبار الأهلي، بيراميدز، والزمالك اللي دخل السباق من جديد.
بيراميدز لسه متصدر الدوري بـ47 نقطه وراه الأهلي بنقطه واحده بـ46، والزمالك في المركز التالت ومعاه 40 نقطه، وبيحاول يستغل أي فرصه لتعثر المنافسين عشان يرجع في المنافسه.
الجوله اللي فاتت كانت ناريه، بيراميدز خسر بطريقه مفاجأه من فاركو 3-2، وده خلى الأهلي يقلص الفارق بعد ما اكتسح حرس الحدود 5-0 والزمالك اتعادل بالعافيه مع البنك الأهلي 2-2، وده خلاه يفقد نقطتين مهمين.
اللي جاي هيكون حاسم، خصوصًا إن مافضلش غير 3 جولات واللقب لسه مش معروف هيروح لمين الجماهير عايشه على أعصابها، ومستنيه كل مباراه كأنها نهائي كاس.
في نفس الوقت، الجوله الخامسه من مجموعه الهبوط هتتلعب فيها ماتشين سموحه ضد طلائع الجيش، وزد قدام الاتحاد السكندري وكل فريق بيحاول يهرب من القاع بأي طريقه.
