تيمبر لسه عنده أمل وأرسنال مش هيرفع الرايه البيضا قدام باريس
رغم إن أرسنال خسر في ملعبه قدام باريس سان جيرمان بهدف نظيف في ذهاب نصف نهائي دوري أبطال أوروبا، إلا إن اللعيبة هناك لسه عندهم أمل، والثقه موجوده زي ما قال المدافع الهولندي جوريين تيمبر في تصريح ناري كدا قبل ماتش الإياب.
تيمبر قالها بصراحة: “أكيد نقدر نوصل للنهائي وأي فريق يخسر الذهاب يقدر يرجع، وعندنا ثقه إننا نكسب، ولو حصل ده هيكون حاجه عظيمه فعلاً” كلامه كأن فيه رساله واضحه للجمهور والزمايل: لسه اللعب قدام، ولسه في أمل.
الكلام ده مش مجرد تصريح والسلام، ده بيعكس روح قتاليه واضحه جوه غرفة ملابس الغانرز، اللي بيحاولوا يكتبوا تاريخ جديد في أوروبا، خصوصًا إن الفريق بقاله كتير بعيد عن الأدوار دي في التشامبيونزليج.
الماتش الجاي في “حديقة الأمراء” مش سهل خالص، بس الفريق اللندني باين عليه ناوي يقاتل لآخر ثانيه، ودي الروح اللي محتاجها أي فريق لو عايز يعمل معجزه كرويه قدام فريق قوي زي باريس.
