برشلونة في ورطه لو راحوا لضربات الجزاء قدام يان سومر!
الليله ملعب “جوزيبي مياتزا” هيولّع، والماتش المرتقب بين برشلونه وإنتر ميلان في إياب نصف نهائي دوري الأبطال بيشد أنظار كل عشاق الكوره، خصوصًا بعد التعادل المجنون 3-3 في الذهاب وبس وسط كل الحماس، في خطر محدق ببرشلونة، واسمه: يان سومر!
السويسري صاحب الـ36 سنه، مش حارس عادي خالص، ده جدار صد بمعنى الكلمه ولعب الموسم ده 45 ماتش وطلع بشباك نضيفه في 20 منهم، وده رقم مش قليل في مستوى البطوله دي وإنما اللي يخلي سومر مرعب بجد هو تخصصه في ضربات الجزاء.
من 99 ركلة جزاء شافها في مسيرته، صد 17 منهم، يعني بنسبه نجاح 17%، وده رقم ممتاز بالنسبه لركلات جزاء والمشكله إن سومر مش بس بيعرف يصد، لأ ده بيعرف إمتى يتحرك، وغالبًا بيغوص على يمينه وبيستنى لآخر لحظه، يعني بيخلي اللي قدامه لازم يكون دقيق جدًا، وإلا الكوره في إيده.
وبرشلونة عارفه كويس إن لو الماتش راح لضربات ترجيح، هيكون قدامهم واحد من أشرس الحراس في أوروبا والراجل ده صد ركلة من مبابي في يورو 2021، وركلتين من راموس، وكسر سلسلة جورجينيو، يعني مش بيهزر في المناسبات الكبيره.
هانز فليك ولازم يجهز اللعيبه كويس لاحتمال ده، لإن فرصه واحده ضايعه قد تفرق وتخلي الحلم الأوروبي يطير.
