لوران: السوبر الإسباني في السعوديه مكسب كبير ومفيش بديل حاليًا
رفائيل لوران، رئيس الاتحاد الإسباني لكرة القدم، طلع بتصريحات مهمه جدًا عن بطولة كأس السوبر الإسباني، واللي بقت بتتلعب في المملكه العربيه السعوديه بقالها كذا نسخه. لوزان قالها صريحه: “مفيش بديل حاليًا يقدر يقدّم اللي بتقدّمه السعوديه للبطوله”.
وقال كمان إن التحالف اللي بينهم وبين السعوديه قوي جدًا، وساهم بشكل مباشر في دعم الكوره الإسبانيه على أكتر من مستوى، سواء مادي أو تنظيمي وأضاف: “عندنا عقد ممتد لحد سنة 2029، ومش مستبعدين إن الدول التانيه اللي عايزه تستضيف البطوله تدخل في الصوره بعدين، بس حاليًا السعوديه بتقدّم كل حاجه مثاليه”.
بطولة السوبر الإسباني في شكلها الجديد، واللي بيشارك فيها 4 فرق بدل فريقين بس، بقت جاذبه لجماهير كبيره، وبتتلعب في أجواء حماسيه، وبتجيب عائد مادي ممتاز سواء للاتحاد الإسباني أو للفرق المشاركه.
الكلام ده بيأكد إن السعوديه بقت وجهه رياضيه عالميه، مش بس بتنظّم، لكن بتنجح كمان، وده اللي خلى أكتر من اتحاد كروي يفكر يحذو نفس الخطوه.
السؤال دلوقتي هل ممكن نشوف نسخ جديده من بطولات تانيه بتتلعب في السعوديه؟ شكلها كده الفرصه كبيره جدًا.
