بيريز طالب لوران بالتحرك في قضية نيغريرا وبرشلونه تحت الضغط
كشف رفائيل لوران، رئيس الإتحاد الإسباني لكره القدم، عن تفاصيل مهمه جدًا بخصوص الرساله اللي وصّله بيها فلورنتينو بيريز، رئيس نادي ريال مدريد، وده بخصوص القضيه اللي شغله الراي العام الكروي في إسبانيا قضية نيغريرا.
لوزان قال: “قابلت بيريز مرتين أو تلاته، وأكدلي إن لازم يكون فيه تحرك واضح في القضيه دي، لأنها محرجه جدًا ومينفعش نسكت عليها” وأضاف كمان إن القضيه مطروحه في المحاكم دلوقتي، ومفيش حاجه بتأثر على التحكيم الحالي، بس الجدل لسه داير.
القصه دي بتدور حوالين مدفوعات قام بيها نادي برشلونه لنيغريرا ونجله من سنة 2001 لحد 2018، بإجمالي حوالي 7 مليون يورو! وبيتم التحقيق دلوقتي علشان يعرفوا هل الفلوس دي كانت مجرد إستشارات قانونيه وتحكيميه زي ما بيتقال؟ ولا كانت نوع من أنواع الرشاوي علشان يأثروا على قرارات الحكام؟
لو اتحقق التاني، يبقى عندنا فساد ممنهج فالكوره الإسبانيه، وده طبعًا هيقلب الدنيا.
الجماهير مش مستنيه بس الأحكام القضائيه، الكل عايز يشوف الاتحاد هيعمل إيه، خصوصًا بعد طلب بيريز من لوزان إنه يتحرك وده بيخلّي الضغط أكبر على برشلونه اللي بيحاول يركّز في الملعب بعيد عن الضغوط الخارجيه.
الموضوع لسه في بدايته، والأيام الجايه ممكن تكشف حاجات كتير، وممكن يكون فيه قرارات تقلب المواسم الجايه كلها.
