داني رودريغيز يفكّر في الجراحه وغيابه قد يطول لـ3 شهور
الوضع مايطمنش بالنسبه لداني رودريغيز، لاعب برشلونة الصاعد، بعد ما كشفت التقارير الطبيه إنه بيفكر جدّياً يخضع لعملية جراحيه في كتفه، اللي اتصاب فيه خلال مباراة فريقه ضد بلد الوليد في الدوري الإسباني.
اللاعب الشاب، اللي بيعتبره كتير من جماهير البارسا مستقبل الفريق، بيعاني من إصابه معقده شوية في مفصل الكتف، وده بيخليه دلوقتي في مرحلة نقاش مع الجهاز الطبي علشان يحدد أفضل طريقه للعلاج.
مصادر قريبه من النادي قالت إنّ الخيار الأقرب هو التدخل الجراحي، وده معناه إنه هيغيب عن الملاعب من شهرين لتلاته، يعني الموسم خلص بالنسباله رسميًا وبس في نفس الوقت، لو كل حاجه مشت تمام، هيكون جاهز يرجع للمشاركه في فترة التحضيرات للموسم الجاي.
رودريغيز كان لسه واخد فرصه أولى مع الفريق الأول، وده اللي بيخلي الإصابه دي مؤلمه نفسيًا أكتر من بدنيًا، بس الجماهير حاطين أمل كبير فيه، وكلهم مستنيين يرجع أقوى من الأول.
