مفاجأة التموين تعلن التفاصيل كم نصيب الفرد من الزيت والسكر في مايو 2025 وتكشف حقيقة زيادة المخصصات
وسط أجواء من القلق وانتشار الأخبار الكاذبة على السوشيال ميديا، لقى موضوع زيادة نصيب الفرد في التموين خلال مايو اهتمام كبير عند كتير من الأسر المصرية وناس كتير بقت تتساءل: بجد هتزود الحكومة التموين ولا دي مجرد شائعة زي كل مرة؟ وماذا عن أسعار السلع التموينية وسط ارتفاع الأسعار في السوق الحر والغلاء اللي الكل حاسس بيه؟
رد وزارة التموين على الشائعات
مصدر مسؤول في وزارة التموين والتجارة الداخلية خرج عن صمته وقال بكل صراحة إن ما تم ترويجه عن زيادة نصيب الفرد في التموين مجرد كلام في الهوا، وما فيش أي قرارات جديدة صدرت بخصوص كميات التموين للفرد والوزارة قالت بكل وضوح: لو في أي قرار جديد يخص المواطنين أو البطاقات التموينية، الوزارة نفسها هتعلنه بشكل رسمي، مش هيسيبوا الناس تسمع من السوشيال ميديا ويعيشوا على الشائعات.
نصيب المواطن من التموين.. “الحق حق”
في محاولة من الوزارة لرفع اللبس اللي حصل عند الناس، وضّح متحدث باسم الوزارة التفاصيل زي ما هي من غير أي زيادة أو تغيير , نصيب كل فرد في التموين زي ما هو:
- كيلو جرام واحد من السكر لكل فرد في الشهر.
- زجاجة زيت 800 مللي لكل فرد شهريا.
يعني النظام زي ما هو بالضبط، ومفيش أي أوامر نزلت بزيادة أو نقصان الكميات، والوزارة ملتزمة بتوفير المنتجات دي بشكل منتظم في كل المحافظات والبقالين التموينيين.
الحد الأقصى للبطاقات
الحد الأقصى للسلع على البطاقة التموينية، بحسب كلام المسؤولين:
- السكر: أقصى حد 6 كيلو جرام لكل بطاقة تموينية.
- الزيت: أقصى حد 4 زجاجات زيت 800 مللي لكل بطاقة.
لو واحد عنده أكتر من فرد على بطاقته، بياخد بحد أقصى حسب عدد الأفراد بس مش أكتر من الحد اللي فوق ده.
وفي ظل الظروف دي، نصحت الوزارة المواطنين إنهم يشتروا احتياجاتهم التموينية من البقالين المعتمدين ويدققوا كويس في الإيصال علشان يتأكدوا من الكميات والأسعار اللي مكتوبة فيه وعشان تبقى دايمًا مطمن، أي مشكلة أو استغلال من التاجر بلّغ فورًا على الخط الساخن 19588 أو روح لمكتب التموين القريب منك.
هل ممكن تتغير الحصة قريب؟
في الوقت الحالي، وزارة التموين ماصدرتش أي تعليمات بزيادة نصيب الفرد أو تخفيضه ولكن في نفس الوقت أعلن المتحدث الرسمي إنه في حالة وجود أي تغيير لصالح المواطن، هيتعلن رسمي على كل القنوات والمواقع الموثوقة.
وسط زحمة الأخبار وكمية الشائعات اللي بتظهر كل شوية، لازم الناس تعرف إن الوزارة بتحاول تحمي مصالح الجميع وبتتابع السوق أول بأول وأي حد عنده استفسار أو شكوى ما يتأخرش ويسأل أو يتواصل مع الجهات الرسمية علشان يكون مطمن على حقه في التموين.
