الذكاء الإصطناعي يدخل عالم التحكيم الإسباني ولوزان يوعد بثوره
في خطوة تعتبر تاريخيه بالنسبه للكره الإسبانيه، أعلن رفائيل لوزان، رئيس الإتحاد الإسباني، إن التحكيم عندهم داخل على مرحله جديده تمامًا، والذكاء الإصطناعي هيكون له دور كبير في ده!
لوزان قال بصراحه: “نظام التحكيم ما اتغيرش من 1909! كل حاجه كانت بتمشي بنفس الشكل، وده مش طبيعي في كره قدم إحترافيه المفروض إنها بتتطور كل يوم.”
ووضح كمان إن الهيكل كله هيتغير، وإن بداية الإصلاحات هتبدأ من الإسبوع ده، ومعاها هيبدأ الذكاء الإصطناعي يدخل بشكل رسمي في المنظومه التحكيميه.
اللافت في الموضوع إن ريال مدريد – اللي دايمًا بينتقد التحكيم – مشارك في اللجنه وبيوافق على حاجات كتير من التعديلات، وده معناه إن فيه دعم قوي للتغيير، حتى من الأنديه الكبيره.
التكنولوجيا في خدمه الكره ولازم تتستغل صح، وده اللي لوزان باين عليه ناوي يعمله ولكن هل ده هيقلل فعلاً من الأخطاء؟ وهل الجماهير هتثق في التحكيم بعد كده؟
الإجابات جاية مع الوقت بس اللي أكيد إن مرحله جديده بدأت خلاص!
