جاكوبو رامون تحت النيران بعد مشاركة سريعه قدام سيلتا فيغو
اتعرض جاكوبو رامون، لاعب ريال مدريد الشاب، لهجوم وانتقادات كتير على السوشيال ميديا بعد مشاركته القصيره قدام سيلتا فيغو في الجولة اللي فاتت من الدوري الإسباني.
رامون نزل الملعب في الدقيقه 67 والريال كان متقدم 3-0، بس بعد دخوله بدقايق بدأ سيلتا فيغو يرجع في النتيجه وسجل هدفين، والماتش خلص 3-2، وده خلا بعض الجماهير تصب غضبها على اللاعب الصغير كأن السبب كله كان هو.
اللي حصل ده خلا الإعلام يتكلم، و”الريليفو” أكدت إن اللي حصل مش هيأثر على مستقبل رامون مع الفريق، بس كمان وضحت إن أنشيلوتي كان عنده حق لما قال إن ماينفعش نعتمد على الشباب بشكل كبير خصوصًا في الأوقات الصعبه، عشان الضغط ده ممكن يكسرهم نفسياً.
رامون لسه صغير وعنده كتير يقدمه، والمباراه دي كانت تجربه مش أكتر، والكل عارف إن لعيبة ريال مدريد دايمًا بتتعرض للضغوط، بس المهم هو ازاي اللاعب يرد على الكلام ده في الملعب الجاي.
