أكد خافيير باسكوال المدير الفني الجديد لمنتخب مصر لكرة اليد إن باب المنتخب مفتوح لكل اللاعبين سواء محترفين في الخارج أو لاعبي الدوري المحلي.
وأوضح الاتحاد المصري لكرة اليد عبر صفحته الرسمية إن باسكوال شارك في التجمع الأول من المجر عبر مكالمة فيديو وقال أنا محتاج كل اللاعبين دون استثناء مفيش فرق بين محترف ولا لاعب في الدوري الأساس هو الالتزام والأداء.
وشدد المدرب الإسباني إن المنتخب عنده أهداف كبيرة الفترة الجاية وده محتاج تجهيز أكبر عدد ممكن من اللاعبين مع وجود بدائل قوية في كل مركز علشان نواجه التحديات اللي جاية.
وأشار باسكوال إلى إن الجهاز الفني بيعتمد على أي لاعب يقدر يخدم المنتخب ومش على أسماء بعينها.
وبدأ منتخب مصر لكرة اليد معسكره الأول بعد تعيين باسكوال يوم الأحد بالمركز الأولمبي تحت قيادة فيرناندو باربيتو المدرب العام وروجر فونت ريباخ مدرب الأحمال واللياقة في غياب اللاعبين المحترفين بالخارج.
وضمت القائمة المشاركة في المعسكر
حراسة المرمى عبد الرحمن حميد، محمد إبراهيم، يوسف ناجي، يوسف وليد، مصطفى بيومي.
الظهير الأيمن محسن رمضان، محمد لاشين، عبد الله إمام، جمال صلاح، محمد عدلان.
الظهير الأيسر نبيل شريف، محمد مجدي، شهاب الدين علي، مروان حاتم، هشام صلاح، عمر عدلان، يحيى الكردي.
الجناح الأيمن أكرم يسري، عمر كاستيلو، محمد عماد أوكا، ياسين محمد، عمر هايمن، زياد عوض، عبد الرحمن أشرف.
الجناح الأيسر عبد العزيز إيهاب، مازن رضا، محمد مؤمن صفا، عمر بركة، حازم الصباغ.
صانع الألعاب أحمد سامح، سيف هاني، زياد حشاد، محمد صلاح، حمزة وليد، يوسف لوله.
لاعب الدائرة إبراهيم المصري، ياسر سيف، بيجاد مروان، معاذ عرب، أحمد تغيان.
