ريال مدريد مستني سقوط برشلونة ضد إنتر عشان يضمن الليغا
جوه أروقة “فالديبيباس”، في ريال مدريد، كل العيون دلوقتي على مباراة برشلونة قدّام إنتر ميلان في نص نهائي دوري الأبطال والناس هناك شايفين إن الكلاسيكو الجاي مش بس معركة على المستطيل الأخضر، لأ دي كمان معركة نفسية كبيرة.
رغم إن الدوري لسه مولّع والمنافسة مش سهلة، بس فيه تفاؤل عند الميرينغي إنهم ممكن يخلصوها ويشيلو اللقب. السبب؟ الحالة النفسية لبرشلونة وفي مدريد بيقولوها بصراحة: “لو البرسا ماوصلتش النهائي، هيكتئبوا وهيخافوا.”
الكلام دا بيتكرر جوه النادي، وبيقولو إن الغريم الأزلي هيفقد الثقة لو خسر قدّام الإنتر. الناس في مدريد حاطين عينيهم على اللي هيحصل في ميلانو، وحاسين إن دي المباراة اللي ممكن تغيّر كل حاجة في الليغا.
ريال مدريد شايف إن لو برشلونة اتصدم في أوروبا، هيكون منهار نفسيًا في الكلاسيكو، وساعتها اللقب هيقرب أكتر وأكتر من خزينة سانتياغو بيرنابيو.
كل اللي فاضل دلوقتي، هو إن مدريد يستنى ويتفرّج ميلانو ممكن تبقى نقطة التحوّل اللي كانو مستنيينها.
