ليله حاسمه في سان سيرو بين إنتر وبرشلونه لحسم بطاقه النهائي
انظار عشاق الكوره الأوروبيه كلها هتكون النهارده التلات متجهه لـ ملعب سان سيرو في مدينة ميلانو الساعه 10 مساءً بتوقيت مصر، عشان يتابعوا القمه الناريه بين إنتر ميلان وبرشلونه في إياب نصف نهائي دوري أبطال أوروبا
ماتش الذهاب اللي كان في ملعب مونتجويك في برشلونة خلص بتعادل مجنون 3-3 وده بيخلي لقاء الليله هو الفاصل لتحديد مين هيوصل للنهائي.
المدرب الألماني هانز فليك بيقود برشلونة في اللقاء ده وسيموني إنزاجي بيدير إنتر من الناحيه التانيه وده معناه صراع تكتيكي كبير بين مدرستين مختلفتين في الكوره.
اللي هيفوز النهارده هيقابل في النهائي الفايز من باريس سان جيرمان ضد أرسنال في الطريق لرفع الكأس الأغلى في أوروبا.
برشلونه داخل الماتش وهو جاي من فوز صعب على بلد الوليد 2-1، أما إنتر فواصل عروضه القويه بعد ما كسب هيلاس فيرونا 1-0 في الكالتشيو.
المباراة هتتذاع حصري على قناه beIN Sports HD 1، والكل مستني يشوف مين هيكون في النهائي الكبير.
