صباحك أوروبي أرنولد يودع ليفربول وغيابات بالجمله قبل نصف النهائي
صباح جديد مليان أخبار ناريه من صحف أوروبا والكل بيتكلم عن رحيل ترينت أرنولد من ليفربول، واللي أعلن رسميًا إن الموسم ده هو الأخير ليه مع الريدز، وهيشد الرحال لريال مدريد مجانًا كتب أرنولد على حسابه بعد 20 سنه في ليفربول، حان وقت الرحيل قرار صعب جدًا
أما أرسنال فبيدرس خطوات سريعه عشان يجدد عقود نجومه بعد صدمه رحيل أرنولد، وبيفكروا في ساكا وصاليبا وجابرييل اللي عقودهم هتنتهي في 2027.
من ناحيه تانيه، ماديسون لاعب توتنهام اتعرض لإصابه في أربطه الركبه، وهيغيب عن باقي مشوار الدوري الأوروبي.
في إسبانيا، فليك مدرب برشلونة أكد إن ليفاندوفسكي جاهز وممكن يشارك كبديل قدام إنتر ورامينيا بيشتكي من عدم ثقه تشافي فيه.
أما في ميلان ففوفانا خرج مصاب من ماتش جنوى بس إصابته مش خطيره والمدرب كونسيساو استبعد لياو من التشكيله لأسباب فنيه.
من فرنسا، إنتر هيغيب عنه بافارد قدام برشلونة، لكن باريس سان جيرمان استعاد ديمبيلي قبل ماتش أرسنال.
وفي ألمانيا، ليروي ساني مش مبسوط بتقليل راتبه، وسط شائعات عن انتقاله لأرسنال أو تشيلسي، وألابا مش راجع بايرن دلوقتي.
