ماتشات ناريه النهارده قمه أوروبيه وصراع مصري وأمم أفريقيا
النهارده التلات الجمهور الكروي على موعد مع يوم كروي مولع فيه ماتشات تقيله في كذا بطوله وبيجي في المقدمه قمة دوري أبطال أوروبا بين إنتر ميلان وبرشلونه، في إياب نصف النهائي بعد ما خلص الذهاب بتعادل 3-3 والماتش هيكون الساعه 10 بالليل بتوقيت مصر، على قناة beIN Sports HD 1.
وفي الدوري المصري، بتستمر منافسات الجوله الخامسه من مجموعة الهبوط، بمباراتين مهمين الأول بين سموحه وطلائع الجيش الساعه 5 على on sport، والتاني بين زد والاتحاد الساعه 8 على نفس القناه.
وعلى صعيد بطوله أمم أفريقيا للشباب اللي شغاله في مصر، عندنا ماتشين بنفس التوقيت الساعه 6، الأول زامبيا قدام تنزانيا على beIN Sports HD 6، والتاني سيراليون ضد جنوب أفريقيا على beIN Sports HD 8.
كل الماتشات النهارده مهمه وفيها حسابات كتيره، سواء في البطولات المحليه أو القاريه وكل الأنظار هتكون على قمة إنتر وبرسا، والكل مستني يشوف مين اللي هيخطف بطاقة التأهل للنهائي.
