وكيل كولر يرد على شائعات الشكوى ويشيد بالأهلي بعد الرحيل
علق دينو لامبرتي، وكيل المدرب السويسري مارسيل كولر، المدير الفني السابق للنادي الأهلي، على الأخبار اللي انتشرت مؤخرًا بخصوص تقدم كولر بشكوى ضد الأهلي في الاتحاد الدولي لكرة القدم فيفا
وقال لامبرتي في بصراحه، ساعات بستغرب من خيال بعض الصحفيين في مصر، وازاي بيخترعوا أخبار من الهوا وأكد لا كولر ماقدمش أي شكوى للفيفا والكلام ده مش صحيح نهائي
وبخصوص الشرط الجزائي اللي كان موجود في عقد كولر، قال وكيله مش هتكلم في التفاصيل دي على العلن احترامًا للنادي، وجماهيره، وكمان لمارسيل كولر نفسه، مش شايف إن ده مناسب للإعلام
وختم كلامه وقال الأهم في كل ده إن الأهلي لسه ناجح حتى بعد ما كولر مشي، والباقي كله تفاصيل مش مهمه
الجدير بالذكر إن إدارة الأهلي كانت عملت جلسه وداع خاصه لكولر بعد ما خلص مشواره مع الفريق، وده بحضور الجهاز الفني بالكامل، علشان يشكروه على كل اللي قدمه خلال فترة تدريبه.
