عمرو دياب عامل حفله نار في الجامعه وتذاكرها قربت تخلص
حفل الهضبه عمرو دياب يوم ١٦ مايو الجاي في الجامعه الامريكيه عامل دوشه كبيره وسط الجمهور وده بعد ما اعلنت شركة تذكرتي المنظمه للحفل ان فئة التذاكر العاديه (Regular) خلصت خلاص وكان سعرها ١٢٥٠ جنيه وكمان باقي الفئات قربت تخلص.
التذاكر مقسمه لـ ٧ فئات اغلاهم كانت sky box – artist experience بـ٥٠٠ ألف جنيه لعدد ١٥ فرد وفي Lounges بـ١٥٠ ألف لـ١٠ أشخاص وبعدين VIP High tables ودي بتبدأ من ٦٠٠٠ لـ٧٠٠٠ حسب المكان، وفي FAN PIT بـ١٨٥٠، وأرخص حاجه كانت regular بـ١٠٠٠ جنيه.
في شروط مهمه للدخول، منها إن مفيش استرجاع ولا استبدال للتذاكر، والدخول هيكون من سن ٧ سنين وطالع، والتذكره كامله مطلوبه، والدخول هيقف بعد قفل الأبواب.
الهضبه بيجهز مفاجأه كبيره في الحفله دي وبيقول إنها هتكون بدايه حفلات الصيف بشكل مختلف، وكمان بيستعد ينزل ألبومه الجديد اللي فيه ١٣ أغنيه، منهم أغنية يا خبر أبيض اللي كانت هتنزل في العيد واتأجلت.
