وفاه الفنان نعيم عيسي بعد صراع طويل مع المرض داخل المستشفي
الفنان الكبير نعيم عيسي رحل عن عالمنا النهارده بعد معاناه طويله مع المرض، عن عمر ناهز 88 سنه، وده حصل وهو موجود في احد المستشفيات بعد ما اتدهورت حالته الصحيه بشكل كبير واتحط علي أجهزة تنفس صناعي علشان يقدر يتنفس، وكان عنده برد شديد عمله نقص في الاكسچين ف الدم.
الفنانه رانيا فريد شوقي كانت من أوائل الناس اللي نعوه، ونزلت صوره ليه علي حسابها الرسمي في انستجرام وقالت البقاء لله ربنا يرحمه ويغفر له ويسكنه فسيح جناته
الجثمان هيتشيع بكره الثلاثاء من مسجد في الإسكندريه مسقط راسه، لسه العزا مفيش إعلان رسمي عنه.
نعيم عيسي بدا من فرقة الاسكندريه المسرحيه وبعدها مع عبد المنعم مدبولي، وعمل مسرحيات كتير مشهوره زي الزمبليطه في الصالون وريا وسكينه والواد سيد الشغال.
وسيب كمان بصمه في السينما زي لمتسول والباشا تلميذ، ومسلسلات زي ضمير أبله حكمت وشارع عبد العزيز وفاته سببت حزن كبير وسط الفنانين والجمهور اللي حبوه من قلبهم.
