حفله نيكول سابا بشرم الشيخ ترفع شعار كامل العدد ونجاح كبير
احيت النجمه نيكول سابا حفل غنائي جامد جداً في شرم الشيخ، واللي كان كامل العدد، وناس كتير حضروا من بدري عشان يلحقوا يشوفوها، وفعلاً كان حفله من العيار التقيل في محافظه جنوب سينا.
نيكول طلعت علي المسرح بشكل مختلف، لابسه ابيض زي الفراشه، وبمجرد ما ظهرت الجمهور سقف وهتف وفرح بيها، وكل الاعمار كانت حاضره وفرحت بالأغاني اللي غنتها معاهم طول الحفله.
قبل الحفل، نيكول كانت متحمسه جداً وقالت على انستجرام انها مستنيه تقابل جمهورها في شرم الشيخ وفعلاً كان ليهم معاد مع الطرب والفرحه.
يُذكر إن نيكول كانت مكسّره الدنيا في رمضان اللي فات من خلال دورها رقيه العسكري في مسلسل وتقابل حبيب مع ياسمين عبد العزيز وكريم فهمي وخالد سليم، ونالت اشادات كبيره.
دلوقتي نيكول بتحضر لصيف 2025 وبتصور كليب جديد لأغنية دوشه اللي هي من الميني ألبوم الجديد، كلمات أحمد حسن راؤول، وألحان أحمد زعيم، وتوزيع هاني ربيع.
نيكول بتأكد وجودها الفني بقوه، سواء في التمثيل أو الغنا، وبتعرف ازاي تتجدد وتقدم حاجه مختلفه دايمًا.
