قبل ساعات من الموقعة النارية بين إنتر ميلان وبرشلونة في إياب نصف نهائي دوري أبطال أوروبا، طلع المدرب الإيطالي المخضرم فابيو كابيلو بتصريحات نارية حذّر فيها النيراتزوري من التراجع الدفاعي قدّام الكتلان، خاصة مع وجود الموهبة الشابة لامين جمال.
كابيلو قالها بصراحة: “آمل إن إنتر ما يتراجعش زي ما حصل في آخر 20 دقيقة قدام بايرن والتراجع قدام لامين هيكون انتحار” وكلام كبير من مدرب خبير زي كابيلو، اللي باين عليه شاف في لامين حاجة مختلفة.
وأضاف كابيلو: “دي أول مرة لامين يلعب في سان سيرو، بس متتخيلوش إن رجليه هتترعش والولد ده مش النوع اللي بيخاف من الضغط”.
وأكد إن الشاب الإسباني أثبت نفسه في مباريات كبيرة زي اليورو، ودوري الأبطال، وكمان قدام ريال مدريد، وكل مرة الحدث بيكبر، هو بيكبر معاه.
الرسالة واضحة من كابيلو: برشلونة عنده ورقة اسمها لامين جمال، واللي يفكر يركن الباص قدامه، ممكن يدفع التمن غالي.
شارك المقال
أحدث الأخبار
أخبار ذات صلة
قرار مفاجئ من سلوت بعدم التحدث إلى وسائل الإعلام قبل مباراة ليفربول وكريستال بالاس
نابولي يُعلن إصابة دي بروين وغيابه لعدة أشهر
إصابة جديدة تقلق برشلونة بعد هزيمته في الكلاسيكو أمام ريال مدريد
منتخب مصر يرفض مواجهة كاب فيردي في البطولة الودية بالإمارات
الخطيب يكشف تفاصيل اختياره ياسين منصور نائبًا وتعيين سيد عبد الحفيظ بمجلس الأهلي
