تشيفرين ينتقد ملاعب إيطاليا ويصف البنيه التحتيه بـ النقطه السودا
رئيس الإتحاد الأوروبي لكرة القدم، ألكسندر تشيفرين، ما قدر يخفي استياءه من حاله الملاعب والبنيه التحتيه في إيطاليا، رغم إنها شريكه مع تركيا فـ تنظيم يورو 2032.
وده بعد ما قال بصراحه إن الوضع هناك “نقطه سودا” في ملف الكوره الأوروبيه.
تصريحاته، اللي نشرتها صحيفه “ماركا”، وضّحت إن تشيفرين مش راضي أبدًا عن التأخير اللي حاصل في تطوير الملاعب، وقال إن الجدل حوالين الموضوع دايمًا بيتكلموا فيه، بس مافيش أي شغل على أرض الواقع.
وأضاف إن إيطاليا، رغم تاريخها الكروي الكبير، متأخره كتير عن باقي الدول من حيث جودة الملاعب والمرافق وكأن التطوير مش في أولوياتهم!
تشيفرين طالب بتحرك حقيقي من الحكومه والمستثمرين وكل الجهات المسؤوله، علشان يلحقوا يجهزوا نفسهم قبل البطوله.
وأكد إن الوضع دلوقتي بقى مايستحملش تأجيل، خصوصًا مع سوء حال الملاعب.
الناس بدأت تتساءل: هل فعلاً إيطاليا جاهزه تستضيف بطوله زي دي؟ ولا الشراكه مع تركيا هتشيل العبء؟ الأيام الجايه هتوضح.
