العصيمي يكشف مشاكل النصر بعد الخروج الآسيوي ومصير بيولي غامض
تكلم الإعلامي عبدالعزيز العصيمي عن اللي يصير داخل نادي النصر هالفتره، خصوصًا بعد الخروج المحبط من نصف نهائي دوري أبطال آسيا للنخبه، واحتمالية عدم تأهله للبطوله الجايه.
العصيمي كتب على حسابه في “إكس” إن فيه مشاكل داخليه تتعلق بالمدرب الإيطالي ستيفانو بيولي، واللي ممكن تتم إقالته، لكن القرار مو بهالسهوله زي ما يعتقد البعض.
وأكد إن فيه صلاحيات للرئيس التنفيذي واللجنه التنفيذيه بخصوص القرار، لكن الإقاله تحتاج ترتيب مالي وتنظيمي مسبق.
وقال العصيمي إن فيه حلّين، يا إن الرئيس التنفيذي يجهز خطه ماليه توضح أسباب الإقاله ويعرضها، أو إن اللجنه التنفيذيه تدعمه وتغطي التكاليف.
وأضاف إن الموضوع ما يوقف عند إقالة مدرب، لازم يكون فيه بديل جاهز يقدر يمسك الفريق ويوصل فيه لأفضل مستوى.
وأكد إن تحميل بيولي المسؤوليه كامله مو عدل، لأن فيه أخطاء من عدة أطراف، ولازم يتم معالجتها بشكل شامل.
من جهه ثانيه، النصر بيستعد لمباراة ناريه قدام الاتحاد في الجوله 30 من دوري روشن، والكل يترقب وش راح يصير بعدها.
