ريال مدريد يرجع يفكر في ثيو هيرنانديز لتقوية الجهة اليسرى
رجع اسم الفرنسي ثيو هيرنانديز يتداول بقوه داخل ممرات ريال مدريد، وده في إطار سعي النادي لتعزيز مركز الظهير الأيسر بفترة الانتقالات الصيفية الجايه.
وذكرت صحيفة “آس” الإسبانيه إن الإدارة حاطه اسم ثيو على الطاوله كخيار جدي.
السبب ورا التفكير فيه هو إن عقده مع ميلان بينتهي في صيف 2026، يعني ممكن يطلع بسعر أقل من قيمته الحقيقيه، خصوصًا وإنه لاعب صاحب خبره وقادر يعطي الإضافه بسرعه.
ثيو كان لعب مع ريال مدريد قبل كده بموسم 2017/2018، بس وقتها ما أثبت نفسه عشان كان صغير ولسه بياخد خبره، لكن دلوقتي الوضع اختلف، واللاعب عنده طموح يرجع ويثبت نفسه في البرنابيو.
كمان ميلان لحد دلوقتي ما جددش معاه، وده اللي فتح المجال لريال مدريد يدخل في مفاوضات جاده.
الصفقة دي شايفينها مسؤولي الميرينغي إنها ذكيه وممكن تضرب عصفورين بحجر، لاعب جاهز وبسعر معقول.
وفي ظل بحث الفريق عن ظهير أيسر قوي بعد تراجع بعض الأسماء، هيرنانديز ممكن يكون الحل الأنسب لهم في الوقت الحالي.
