972 يوم من الصمود هل ينجح إنتر قدّام برشلونة الليلة؟
من أكتر من سنتين ونص، جمهور إنتر ميلان ماعرفش طعم الهزيمة على ملعب “جوزيبي مياتزا” في دوري أبطال أوروبا. آخر مرة خسر فيها كانت يوم 7 سبتمبر 2022 يعني من 972 يوم كاملين، والقلعة الإيطالية مقفولة بالشمع الأحمر على أي خصم يفكر يفرح فيها.
بس الليلة غير! الليلة التحدي اسمه برشلونة. فريق جاي من أقصى طموحاته، وبيدوّر على المجد الأوروبي، وعاوز يرجّع هيبته اللي افتقدها في السنين الأخيرة.
إنتر مش بس بيدافع عن أرضه.. ده بيدافع عن تاريخ، عن جمهور بيهتف 90 دقيقة من القلب، عن مدرب عارف قيمة اللحظة، ولاعيبة حافظين ملعبهم بالخطوة.
هانزي فليك، مدرب برشلونة، عارف إنه داخل على نار مش ملعب وإنتر؟ مركز وعاوز يعزز الرقم، ويكمل الحلم الأوروبي اللي بدأه من دور المجموعات.
الليلة مش بس ماتش، دي معركة كروية، فيها التاريخ بيتكتب، والأساطير بتتعزز فهل يستمر صمود الإنتر؟ ولا برشلونة هيكسر القاعدة ويقلب الطاولة؟!
