سونيس يهاجم بيلينغهام: بلاش يا لامين جمال تمشي على خطاه
المحلل الإنجليزي الشهير غرايم سونيس فجّر تصريحات نارية عن نجم ريال مدريد جود بيلينغهام، وقال إن اللي بيقدّمه اللاعب في الموسم الحالي لا يرقى للتوقعات، وإنه شايفه مثال لازم الشاب لامين جمال يبعد عنه في مسيرته.
سونيس قال إن بيلينغهام كان بدايته مبهرة فعلًا، وظهر كلاعب كبير بيأخذ قرارات أكبر من سنه، لكن فجأة الدنيا اتغيّرت، وأداءه بقى باهت، وكأن الغرور بدأ يدخل حياته وأضاف: “حاسس إنه مبقاش يسمع لحد، وموسمه كان محبط جدًا وسلوكياته كمان لازم تتراجع.”
وفي ختام تحليله، سونيس انتقد حماس بيلينغهام اللي بيظهره أوقات كتير بشكل ممكن يتفهم غلط، وقال: “لو هو فاكر إن ده شغف، فده فهم خاطئ ولو فيه حد بينصحه، فشكله ماشي بيه في سكة غلط.”
كلام سونيس فتح باب كبير للجدل، خاصة وإن بيلينغهام لسه صغير ولسه قدامه كتير وبس هل فعلاً تأثر بالشهرة؟ وهل ممكن يكون فعلاً عبر عن نفسه بشكل مبالغ فيه؟ ولا النقاد بيحكموا بسرعة؟
