النصر داخل بقوه على مدافع فاينورد وعرض خرافي يغير قراره
كشفت تقارير صحفيه مساء التلات، عن آخر تطورات صفقات نادي النصر قبل الميركاتو الصيفي الجاي، في محاوله لبناء فريق قوي يعوض الإخفاقات فالموسم الحالي، اللي كان بدون بطولات لحد دلوقتي.
النصر بيجهز لصفقه دفاعيه جديده، خصوصًا مع احتمال رحيل الإسباني إيمريك لابورت، اللي وراه اهتمام كبير من مارسيليا الفرنسي وده خلا إدارة النصر تتحرك بسرعه.
ووفقًا لصحيفه «AD» الهولنديه، النصر بدأ مفاوضات جديه مع فاينورد علشان يضم المدافع السلوفاكي دافيد هانكو (27 سنه)، وبيجهز عرض مالي يوصل لـ35 مليون يورو، رقم كبير بالنسبه لتاريخ بيع فاينورد.
هانكو، اللي عقده ممتد لحد 2028، بيعتبر واحد من أفضل المدافعين فالدوري الهولندي، ومطمع لأندية كبيره زي تشيلسي، أتلتيكو، ويوفنتوس.
اللاعب قال قبل كده إنه عايز يلعب فدوري أوروبي كبير، بس الفلوس اللي حطها النصر ممكن تغير تفكيره.
فاينورد مش هيبيع غير لما يوصل له عرض يليق، وده اللي النصر شكله ناوي يعمله. اللاعب انضم لهم 2022 من سبارتا براغ، وبيقدم مستويات ثابته مع المنتخب كمان.
