بدء صرف منحه عيد العمال للعماله الغير منتظمه بأسيوط ١٥٠٠ جنيه
أعلن اللواء دكتور هشام ابو النصر، محافظ أسيوط، إن منحة عيد العمال لسنه 2025 هتتصرف للعماله الغير منتظمة اللي مسجله في مديرية العمل بالمحافظة، والعدد الكلي 5223 مستفيد، والمنحه قيمتها 1500 جنيه لكل واحد، وده بداية من يوم 5 مايو الجاري ولمدة شهر كامل، وهيتم الصرف من مكاتب البريد ومنافذ الصرف المعتمده.
وأكد المحافظ إن صرف المنحه دي بيجي تنفيذًا لتوجيهات الرئيس عبد الفتاح السيسي، لدعم الفئات اللي محتاجه المساعده، وبالذات العماله اللي شغلهم مش ثابت، والمنحه بتتم تحت إشراف وزارة العمل بقيادة الوزير محمد جبران.
وأشار كمان إن مديرية العمل في أسيوط بقيادة علي سيد وكيل الوزارة، قدمتله تقرير بيأكد بداية الصرف بناءً على قاعدة البيانات الرسميه، وإنه وجه كل الجهات المعنيه بالتعاون علشان الصرف يتم من غير مشاكل ولا زحمه.
ووضح إن كل ده بيتم حسب التعليمات من الإداره المركزيه لشؤون العماله غير المنتظمة، وطبقًا لأحكام القرار الوزاري رقم 162 لسنة 2019، علشان توفير الرعايه والتشغيل للفئه دي المهمه من المجتمع.
