المريسل يكشف موقف النصر من التعاقد مع أنشيلوتي المدرب الكبير
طلعت تقارير صحفيه اليوم بتتكلم عن إن نادي النصر ناوي يغير مدربه الحالي ستيفانو بيولي ويتعاقد مع الإيطالي الكبير كارلو أنشيلوتي، مدرب ريال مدريد، وده بعد النتائج المخيبه اللي حققها الفريق الفتره الاخيره.
بس الصحفي الرياضي المعروف عبدالعزيز المريسل كتب على حسابه في “إكس” إن الكلام ده مش صحيح، وإن أنشيلوتي مش من ضمن خيارات نادي النصر لا من قريب ولا بعيد، وقال إن النادي ماشي في اتجاه تاني تمامًا في ملف المدربين.
التقارير البرازيليه اللي خرجت من شبكة “uol” قالت إن فيه إعجاب كبير من إدارة النصر وطبعًا كريستيانو رونالدو بطريقة لعب أنشيلوتي، وإنهم شايفينه مناسب جدًا للفريق، بس الواضح إن الكلام ده مش على أرض الواقع.
نادي النصر حالياً مركز في استعداداته القوية قبل مواجهته المهمه قدام الاتحاد في الجوله الأخيره من دوري روشن، في ماتش هيحدد كتير في مشوار الفريق للتأهل لنخبه آسيا.
الفريق عايز يقفل الموسم بشكل قوي، وبغض النظر عن المدرب القادم، الكل مركز دلوقتي على الكلاسيكو.
