النواب يوافقو على تعديل قانون مزاولة الصيدله ويزودو تدريب سنه
وافقت لجنة الشئون الصحيه بمجلس النواب، برئاسة د أشرف حاتم، فـ اجتماعها النهارده التلات، على مشروع قانون مقدم من الحكومه، بيعدل بعض أحكام قانون مزاولة مهنة الصيدله رقم 127 لسنة 1955، بحضور المستشار محمود فوزي، وزير الشئون النيابية، وممثلين عن وزارتي الصحه والتعليم العالي.
وقال د أشرف حاتم، إن القانون ده بيمس تطوير مهنة الصيدله، اللي بقت فيها صيدله إكلينيكيه وبكالوريوس صيدله، وإنه من دلوقتي بقى لازم خريج الصيدله يعدي سنه تدريب بعد الخمس سنين دراسه، زي خريج الطب، والسنه دي مش دراسية دي سنه تدريب إلزامي.
وبيشمل التعديل إن لازم الخريج يعدي امتحان مزاولة المهنه في المجلس الصحي المصري بعد التدريب، وكمان ياخد مكافأه شهريه 2500 جنيه، زيه زي خريج الطب، وده الحد الأدنى، ولو رئيس الوزراء وافق ممكن المكافأه تزيد.
اللجنه هتجهز تقريرها وترفعه للجلسه العامه قريب، علشان النواب يصوتوا عليه بشكل نهائي.
