رئيس الوزراء بيستقبل وفد فيزا ويأكد دعم الحكومه للإستثمار
الدكتور مصطفى مدبولي، رئيس الوزراء، استقبل مساء النهارده فـ العاصمة الإداريه، رايان ماكنيرني الرئيس التنفيذي لشركة فيزا والوفد المرافق ليه، وكان معاه كمان حسن عبدالله محافظ البنك المركزي، وده علشان يناقشو خطط شركة فيزا للإستثمار في مصر الفترة الجايه.
مدبولي رحب بـ ماكنيرني وقال إن شركة فيزا شريك مهم فـ مجال المدفوعات الإلكترونيه، وأشاد بتعاونهم القوي مع البنك المركزي وأكد إن الحكومه بتوفر كل الدعم اللازم للشركات، وخصوصًا الشركات الأمريكيه، وقال إن مصر هتستضيف منتدى مهم أخر مايو وهيحضر شركات كتير أمريكية ومصرية، وهيتم عرض الفرص والحوافز المتاحة.
من ناحيته، حسن عبدالله قال إن الشراكة مع فيزا مهمه جدًا، وإن البنك المركزي حريص يواكب التكنولوجيا فـ الخدمات المصرفيه الرقمية، وده اللى بيخلي التعامل المالي أسهل وأرخص على المواطن.
ماكنيرني قال إن مصر من الأسواق المهمة لشركة فيزا عالميًا، وشرح خطة توسعهم فـ مصر خصوصًا ببرنامج الكارت الموحد، وكمان عرض مقترح يسرع تحويلات المصريين من الخارج.
اللقاء كمان تناول التطورات الاقتصادية عالميًا وتأثيرها عـ الأسواق.
