مدبولي يستقبل وفد فيزا ويأكّد دعم مصر للإستثمارات الرقميه الجايه
الدكتور مصطفى مدبولي، رئيس مجلس الوزرا، استقبل مساء التلات فـ مقر الحكومه بالعاصمه الإداريه، رايان ماكنيرني، الرئيس التنفيذي لشركه فيزا ومعاه الوفد بتاعه، وكمان حضر اللقاء حسن عبدالله، محافظ البنك المركزي، علشان يناقشو خطط الشركه فـ الاستثمار بمصر الفتره الجايه.
مدبولي بدأ اللقاء بالترحيب بوفد فيزا، وأكد إن الشركه دي واحده من الشركا المهمين فـ مجال الدفع الإلكتروني وأشاد بعلاقتها القويه مع البنك المركزي وقال إن الحكومه بتدعم الشركات وبالذات الأمريكيه، وإن فيه منتدى آخر مايو هيجمع شركات أمريكيه ومصريه لعرض فرص الاستثمار.
حسن عبدالله شدّد على إن التعاون مع فيزا مفيد جدًا فـ تطوير الخدمات المصرفيه الرقميه، وإن المواطنين استفادو منها بإنهم يقدرو ينجزو معاملاتهم بأي وقت ومن أي مكان.
ماكنيرني قال إن السوق المصريه من الأهم عالمياً بالنسبه لـ فيزا وإنهم ناويين يتوسعو أكتر، خصوصًا فـ برنامج الكارت الموحد اللى بيجمع التموين والتأمين الصحي وغيره كمان عرض فكره استخدام فيزا بلس لتسهيل تحويلات المصريين بالخارج، ودخول الدفع الإلكتروني فـ قطاع النقل رئيس الوزرا طلب دراسه المقترح دا علشان يسرّع تحقيق الشمول المالي.
