الاحتلال الاسرائيلي يبتدي ضرب مطار صنعاء بعد تهديدات سابقة رسميه
بدأت قوات الإحتلال الإسرائيلي فجر النهارده، هجوم عسكري جديد على الأراضي اليمنيه، واستهدفت من خلاله مطار صنعاء الدولي، بعد ما كانت هددت قبل كده بشكل رسمي بقصف المطار وطالبت كل الموجودين هناك بالإخلاء الفوري من المنطقه.
ووفقاً لوسايل إعلام محليه، الضربات طالت مش بس صالة المطار، لكن كمان عدد من الطيارات المدنيه والمرافق التابعه ليه، والناس هناك عايشه حاله من الرعب والقلق، خصوصاً مع استمرار الطيران الحربي فـ التحليق فوق المنطقه.
وكان جيش الاحتلال الإسرائيلي، أعلن في وقت سابق إن المطار بيُستخدم لأغراض عسكريه، على حسب زعمهم، ودا كان تمهيد واضح للعدوان اللي حصل، واللي بيعتبر تصعيد خطير فـ المنطقه.
وسائل إعلام يمنيه قالت إن الهجوم حصل بالتنسيق مع القوات الأمريكيه، وإن الضربات شملت كمان مناطق قريبه من العاصمة زي عطان وذهبان، ودا كله زوّد التوتر فـ الشارع اليمني.
الناس دلوقتي عايشه فـ حاله طوارئ، والمستشفيات رفعت جاهزيتها، والأنظار كلها على رد الفعل المحتمل من الحوثيين، خصوصاً بعد العدوان دا اللي اعتبرته مصادر يمنيه انتهاك صارخ للسياده الوطنيه.
