فيديو مرعب فتاه بتحاول تنتحر من الدور الـ20 فـ كوريا الجنوبيه
في مشهد هزّ السوشيال ميديا، حاولت بنت فـ كوريا الجنوبيه ترمي نفسها من فوق مبنى عالي مكون من 20 دور، في واقعه خلت الناس كلها تتابعها بقلق شديد بعد ما الفيديو انتشر بشكل واسع.
كاميرات المراقبه كانت رصدت الواقعه بالكامل، البنت كانت واقفه على حافة البلكونه وباين عليها إنها فقده الأمل ومش شايفه قدامها غير النهايه، لكن في لحظه صعبه وقبل ما تقع بثواني، جه اتنين رجاله بيجروا ناحيتها وحاولوا ينقذوها.
واحد من الرجاله حاول يمسكها بس ما لحقش، لكن التاني شدها من شعرها بالعافيه علشان يمنعها من السقوط، وده كان المنقذ الحقيقي فـ اللحظه الأخيره، رغم إن الطريقه كانت مؤلمه شويه بس كانت الحل الوحيد المتاح.
الناس اللي شافوا الفيديو اتأثروا جدًا بالموقف، وكتير طالبوا بزياده الدعم النفسي خصوصًا فـ المجتمعات الآسيويه اللي فيها ضغط كبير على الشباب.
لحد دلوقتي، ما فيش تفاصيل كامله عن البنت أو حالتها النفسيه، لكن الصحف المحليه قالت إن السلطات بتتابع حالتها وبيتم تقديم مساعده نفسيه ليها.
