فيرتز قالها بصراحه لتشابي: رايح بايرن ومش شايف غيره!
فلوريان فيرتز، نجم باير ليفركوزن، قرر يحسم الجدل من دلوقتي وقالها لمدربه تشابي ألونسو من الآخر: “أنا عايز أروح بايرن ميونخ ومش شايف نفسي في ريال مدريد ولا مانشستر سيتي حاليًا” الكلام ده كشفته صحيفة “بيلد” الألمانية، وأكدت إن اللاعب عنده قناعة تامة إن البقاء في ألمانيا هو الخطوة الصح الصح دلوقتي.
القرار ده بيخلي بايرن ميونخ في موقف قوي جدًا في سباق ضم اللاعب، خاصة وإن فيرتز من أبرز المواهب الألمانية حاليًا ومطلوب من أندية كتير على مستوى أوروبا، بس هو شكله واخد القرار من بدري ومش عايز يضيع وقت.
اللاعب حاسس إن تطوره هيكمل بشكل أحسن لو فضل في البوندسليغا، وخصوصًا مع نادي بحجم بايرن اللي دايمًا بيكون في المنافسة على البطولات، سواء محلية أو أوروبية وده غير إنه ممكن يضمن مكان أساسي ويستمر في التألق بدل ما يقعد على الدكة في فريق مليان نجوم.
الصفقة دي لو تمت، هتكون ضربة قوية من بايرن مش بس لليفركوزن، لكن كمان لكل الفرق اللي كانت بتراقب فيرتز وبتجهزله عروض، والرسالة واضحة: البوندسليغا لسه فيها سحرها!
