مصر بتتضامن مع السودان بعد ضرب منشآت مدنيه فـ بورسودان
أجرى الدكتور بدر عبدالعاطي، وزير الخارجيه والهجره وشؤون المصريين بره، مكالمه تليفونيه النهارده التلات مع وزير خارجية السودان عمر صديق، وده بعد الضرب اللي حصل للبنيه التحتيه والمنشآت الحيويه فـ بورسودان خلال الفتره اللي فاتت.
وأكد الوزير المصري فـ المكالمه إن مصر واقفه جنب السودان الشقيق، وبتدعم استقراراه وبتدين أي اعتداء على المنشآت المدنيه، وقال إن لازم يكون في تهدئه وتوقف فوري لإطلاق النار، علشان نقدر نوصل المساعدات الإنسانيه لأهل السودان اللي بيعانوا بسبب الأوضاع هناك.
ومن ناحيته، وزير خارجية السودان شكر مصر على دعمها الكبير وموقفها الواضح، وقال إنه بيتطلع لزياده التنسيق والتشاور مع مصر خلال الفتره الجايه، وخصوصًا فـ القضايا اللي بتهم البلدين.
اللقاء ده جاي فـ وقت حرج بيمر بيه السودان، ومصر بتأكد دايمًا إنها مع الحلول السلميه وبتحاول بكل الطرق تساعد في وقف نزيف الدم وتحقيق الاستقرار فـ المنطقه.
