ريال بيتيس بيقارن نجمهم فينيسيوس وانتوني داخل سباق الدهب بقوه
يبدو إن نادي ريال بيتيس قرر يدخل نجمه البرازيلي أنتوني في دائرة الضوء، وبدأ يشعل المقارانات مع نجم ريال مدريد فينيسيوس جونيور، خصوصًا بعد الأداء الملفت لأنتوني خلال سنة 2025.
بيتيس نشر على حسابه الرسمي في إنستغرام بوست فيه مقارنة رقميه بين الثنائي، وعلق تعليق مثير قال فيه إن المنافسه عالكرة الدهبيه بقت واضحه دلوقتي، وكأنهم بيقولوا: “مرشحنا موجود وجاهز.”
لو بصينا عالأرقام:
- أنتوني لعب 20 ماتش وسجل 7 أهداف، قدّم كمان 4 أسيست
- فينيسيوس لعب 24 ماتش، وسجل 5 أهداف، وصنع 3
رغم إن فيني لعب أكتر، بس أرقام أنتوني في التهديف والمساهمات الهجوميه متفوّقه بشكل واضح، وده اللي خلى الجماهير تبدأ تقارن وتتناقش على السوشيال ميديا: هل فعلاً ممكن نشوف نجم بيتيس في ترشيحات الكورة الدهبيه؟
اللي أكيد إن أداء أنتوني حط اسمه في رادار الجماهير والإعلام، ولو كمل بنفس المستوى، ممكن فعلاً يدخل السباق بقوه وساعتها بيتيس هيكون معاه مرشح مش من الكبار، بس من اللي بيكسروا المعادله.
