الأهلي يخلص إتفاقه مع لاجامي والنصر يحاول يمدد عقده
مازال الكلام شغال عن مستقبل علي لاجامي، مدافع النصر السعودي، خاصة إن عقده قرب يخلص مع نهاية الموسم الحالي، والنادي لسه ما أعلن عن تجديد رسمي لحد الآن.
وبحسب تقارير صحفية جديدة، الأهلي أنهى اتفاقه مع لاجامي للانضمام للفريق بداية من الموسم الجاي، لو ما صار فيه تجديد مع النصر، والصفقة تقريبًا محسومة من الطرفين!
الأهلي ناوي يدخل الموسم المقبل بشكل قوي، وواحد من أهدافه الرئيسية تدعيم خط الدفاع بلاعبين محليين مميزين، خصوصًا مع تذبذب الأداء الدفاعي الموسم اللي فات، ولاجامي يعتبر خيار ممتاز بخبرته ومهاراته الدفاعية.
من جهة ثانية، النصر ما استسلم، ويحاول يقنع اللاعب بالتجديد ويقدم له عرض محسّن، لكن لحد الآن ما في شي رسمي، والوضع بين الطرفين معلق.
النصر حاليًا في المركز الثالث بجدول دوري روشن بـ60 نقطة، وغياب مدافع بحجم لاجامي ممكن يأثر على التوازن الدفاعي إذا ما تم تعويضه بشكل مناسب.
هل نشوف لاجامي بقميص الأهلي الموسم الجاي؟ ولا يرجع يجدد للنصر؟ الأيام الجايه حتحسم كل شي.
