تنظيم الكهرباء تطرح تعديلات جديده وتعويض ١٠٠٠ ريال عن الانطفاء
طرحت الهيئه السعوديه لتنظيم الكهرباء مسوده تعديلات مقترحه على المعايير المضمونه للخدمه الكهربائيه ودعت كل المهتمين والمستفيدين إنهم يطلعو عليها ويشاركو بمرئياتهم من خلال منصه استطلاع
ومن ضمن التعديلات المهمه اللي انطرحت، اضافه معيار جديد بخصوص الانطفاء الشامل واللي ينص على إنه لو انقطعت الكهرباء عن مدينه او محافظه كامله وما رجعت خلال ٦ ساعات، يحق للمستهلك المتأثر تعويض مالي يوصل لـ١٠٠٠ ريال.
كمان التعديلات حددت سقف لتعويضات كل حاله انطفاء شامل، واللي حُط بمبلغ ١٠٠ مليون ريال لكل مدينه او محافظه، ولو التعويضات المطلوبه زادت عن المبلغ دا، يتوزع المبلغ دا بالتساوي على كل المستحقين، حسب عددهم.
واكدت الهيئه إن حساب مدة الانطفاء يبدا من لحظة وقوعه، وإن كل مدينه أو محافظه يتم التعامل معها بشكل مستقل، خصوصا لو الانطفاء شمل كذا منطقه في نفس الوقت.
وبرضو قالت إن المستهلك اللي يستحق تعويض عن الانطفاء الشامل، حيستفيد كمان من التعويضات الموجوده للانقطاع الطارئ ضمن المعايير المضمونه التانيه.
