عبّرت النجمة يسرا عن سعادتها الكبيرة بالمعرض الذي يحمل اسم “50 سنة على مشوارها الفني”، والمقام تكريمًا لمسيرتها الفنية الطويلة، حيث وجهت كلمة مؤثرة شكرت فيها كل من ساهم في إقامة المعرض، قائلة: “بشكر كل الناس اللي وقفوا جنبي… أصحابي، حبايبي، عيلتي، وكل التيم الجميل اللي اشتغل بحب وإخلاص عشان يطلع المتحف بالشكل العظيم ده”.
وأكدت يسرا أن هذا الحدث لم يكن مجرد تكريم، بل احتفال بمشوار طويل من العطاء، وأضافت: “اللي اتعمل ماكانش مجرد تكريم لمشوار 50 سنة، هو احتفال بمشوار مليان شغل، وتعب، وحب، وذكريات عمر ماتتنسيش، كل تفصيلة كانت مليانة روح… روح الناس اللي بتحبني وبتدعمني بجد”.
وأشارت يسرا إلى أنها كانت تتابع مراحل تجهيز المعرض عن قرب، وقالت: “من أول الفكرة لحد يوم الافتتاح، كنت شايفة تعبكم، حماسكم، وإيمانكم بيا، وحبكم اللي مالي الدنيا حواليا”.
واختتمت النجمة كلمتها برسالة شكر من القلب قالت فيها: “شكرًا من قلبي لكل حد شارك، ساعد، أو حتى قال كلمة حلوة من قلبه… بحبكم من قلبي، وحقولها دايمًا: أنتم جزء من الحكاية دي، من سنين عمري ومن فرحتي”.
