جيمي كاراغر يمدح لامين جمال: خساره نجم زيه يودع الأبطال
اللاعب الإنجليزي السابق والمحلل المعروف جيمي كاراغر طلع بكلام كبير في حق نجم برشلونة الصغير لامين جمال، بعد العروض الجامده اللي قدمها قدّام إنتر ميلان في دوري أبطال أوروبا، رغم إن برشلونة ودّع البطوله.
كاراغر قالها بصراحه: “لامين جمال ما يستاهلش يكون في صف الخاسرين”، وأكد إن السن الصغير بتاعه يخلي اللي بيعمله حاجه خارقه وفعلاً، اللي شاف الماتشات يعرف إن الولد ده لعب برجوله وخوف أي دفاع وقف قدّامه.
وأضاف كمان: “كان رائع جدًا في المباراتين، وكاد يجيب الفوز لبرشلونة، بس الحظ ماكانش معاهم”، وأكتر حاجه زعلت كاراغر إنه مش حيشوف جمال في نهائي ميونخ، وقالها بصراحه: “ده نجم حقيقي بكل معنى الكلمه”.
لامين جمال ورغم صغر سنه، قدر يثبت إن عنده موهبه مش طبيعيه، وبيخلي جمهور البرسا فخور بوجود لعيب زيه في الفريق وصحيح الخروج من الأبطال وجّع، بس اللي عمله جمال بيأكد إن المستقبل لسه فيه حاجات كبيره ليه.
