عدنان جستنيه: مشكلة الهلال مش في إدارة النادي، بل في المدرب
الإعلامي الرياضي عدنان جستنيه فتح النار على المدرب البرتغالي السابق خورخي خيسوس، وقال إن المشكلة الحقيقية في الهلال مش في إدارة النادي أو في فهد بن نافل وفهد المفرج، بل كانت في المدرب اللي كان شايف إن دوري الموسم ده هيكون زي الموسم الماضي.
جستنيه أكد في تصريحاته إنه لو كان في خطأ، فكان لازم يكون في المدرب، اللي أصابه نوع من الغرور بعد البطولات اللي فاز بيها الهلال في المواسم اللي فاتت وقال إن المدرب كان فاكر إن الدوري السنة دي هيبقى سهل زي السنة اللي فاتت، من غير ما ياخد في اعتباره إن فيه تغييرات كبيرة حصلت في الفرق التانية.
وأضاف جستنيه: “الغرور ده جاب معاه الفشل، لأن الفرق التانية تطورت، والهلال مش لوحده اللي بيشتغل والمدرب مفكر إن اللي فاز به كان بسبب ضعف الفرق التانية، وما حسابش حساب الفوارق الجديدة”.
المشكلة، بحسب جستنيه، كانت إن المدرب عيش لاعبيه في وهم إنهم حياخدوا الدوري بكل سهوله، وده اللي أدى لسقوط الفريق في الموسم ده.
