أراوخو السبب في خروجه تاني من الأبطال أخطاء قاتله للبارسا
الصحافة الكتالونية ما بتوقفش عن الحديث عن الأخطاء اللي كان سبب فيها المدافع الأوروغوياني رونالد أراوخو، واللي تسببت في خروج برشلونة من دوري أبطال أوروبا تاني موسم على التوالي.
في موسم 2024، كان فيه خطأ كبير قدام باريس سان جيرمان، لما تعرض أراوخو للطرد في لحظة حاسمة قلبت الموازين لصالح الفريق الفرنسي والطرد ده كان نقطة التحول في المباراة، وخلّى برشلونة يخرج من البطولة بشكل مفاجئ.
أما هذا الموسم، فالمشكلة كانت في تحركاته غير المدروسة ضد إنتر ميلان، وده كان سبب مباشر في تدمير حلم البارسا مرة تانية وتدخلاته المتهورة كانت مكلفة، وخلّت الفريق يخرج من البطولة بأخطاء فردية واضحة من المدافع.
الناس في كتالونيا مش قادرين يستوعبوا إن أراوخو لسه بيعمل نفس الأخطاء اللي بتكلف الفريق البطولات، وكان المفروض يتعلم من تجاربه السابقة، لكن للأسف الحلم تكرر، وبرشلونة بره الأبطال تاني.
